హోదా

6th Dec 01.
ఎంతో బాగా పనిచేసే ఇంజనీర్ కి ఏదో ఒక ప్రమోషన్ ఇవ్వాలని మేనేజర్ ని చేసారుట. ఇష్టంలేక ఆజీవితం ఇక సర్వ నాశనం. నేను ఆ పని చెయ్యలేను అనగల నిజాయితీ, తప్పకపోతే వేరే పని వెతుక్కోగల అవకాశమూ సమాజంలో ఉంటే ఫరవాలేదు.
కానీ ఏదో కారణాల వల్ల హోదా కోసమో, డబ్బు కోసమో ఇష్టం లేని పని చేసే దుస్థితి ఉన్నవాళ్ళే ఎక్కువ. మరి హోదా, డబ్బు ఎంత నిజం ? మనసు లోపల ఇష్టం, తృప్తీ ఎంత నిజం ? అది ఎవడికి వాడు తేల్చుకోవలసిందే. నిజాయితీ, తృప్తీ కన్నా డబ్బూ హోదా లే ఎక్కువ ఆనందంఇస్తే తప్పు లేదు కానీ తేల్చుకోకుండా ప్రశ్నలు వేసుకుంటూ ఘర్షణ పడడమే బాధ. ఏ ఛాయిస్ లో నైనా బాధ, ఘర్షణ తప్పదు. "నేను" పరిష్కరించుకునే దాకా. అది పరిష్కారమైతే ఇక హోదా కోసమో డబ్బు కోసమో వెంపర్లాడడం ఉండదు. అలాగే ఇష్టం, తృప్తీ కోసంకూడా.