సమూహాలు

6th Dec 01.
రంగురంగుల జెండాలు వరసగా నుంచున్నాయి.
యుద్ధకవాతు లో సైనికుల తుపాకుల్లాగా.
ఎవరు నువ్వు ? నీదే దేశం ? ఏ రంగు జెండా ?
రష్యా ? అమెరికా ? భరతమా ? పాకిస్తానా ?
ఏ ముక్క మీది వాడివి ? అని గర్జిస్తున్నాయి.

భూమి ని ముక్కలు చెక్కలు గా విడ కొట్టిన
రంగు జెండాల్ని చూసి పెదవి విరిచాను. తెలీదన్నట్లుగా.
అదృశ్యం జెండాలన్నీ.
ముల్లాలూ, పురోహితులూ, పాస్టర్లూ, రాబీ లూ ప్రత్యక్షం.
అల్లా? కృష్ణుడా? క్రీస్తా? మోజస్సా? ఎవరు నీ దేవుడు ?
కాలాన్నీ సృష్టినీ, మతపు కళ్ళద్దాల లో
చూడలేక కన్నీళ్ళు కార్చాను. అసహాయత ని ప్రకటిస్తూ.