ప్రేమనగర్

Mar 11, 04.

ప్రేమనగర్ పాటలు : ఆ వీణ, గిటారు, తబలా, ఘంటశాల గొంతు లో ఖంగు మన్న ఇనుప జీర, తీగ సాగిన సుశీల - ఆ గాత్రాల వెనుక ఉన్న ఏమిటో తెలియని చల్లని, హాయైన నిశ్శబ్దం. ఊహ అప్పుడే తెలుస్తున్న రోజుల్లో విన్న గ్రాంఫోన్ రికార్డుల స్మృతులు.
పుహళేంది మామ లు పలికించిన ఆ విరుపులూ, అతి గంభీరంగా మ్రోగిన తబలాలూ, నేల క్లాసు నించీ ఎగువ మధ్యతరగతి దాకా నానా రకాలుగా విన్యాసాలు చేసిన టక్ చిక్ టక చికలూ, టింగ్ టింగ్ లూ - ఇవన్నీ వింటుంటే కలిగే స్పందన ని మాటల్లో పట్టుకోలేక పోయినా, కొంత వరకూ తెలుస్తోంది - mind ఎలా ఆలోచిస్తోందీ, ఏ రకంగా అ. నా నీ, వాణిశ్రీ నీ, వాళ్ళిద్దరి మధ్య ఉన్న setting లోని మజా నీ ఆస్వాదిస్తోందీ - ఇవన్నీ feel అవాలని ప్రయత్నిస్తుంటే ఉండే సుఖం, రంజు, రసానందం. మళ్ళీ బాలమురళి సారంగ లో అలవోకగా ఒక్క కూనిరాగం తీస్తే మొత్తం మెదడంతా blank అయి కూచుంటుంది!