ఇళయరాజా - సంగీతం - కొన్ని జవాబులు

సంగీతం  అంటే మీరు చెప్పే అర్థం ?
'అంతా' ,  'సర్వం'  అన్న మాటలకి అర్థం  తెలుసు కదా.  'సంగీతం' అన్నా అర్థం  అదే !
***
మీకిష్టమైన  రాగం ?
ఆత్మ రాగం ..  ఇదే అందరిలోనూ  ఉండే ఆధార స్వరం, ఆధార శృతి ..
*****
మాట ముందా ,  రాత ముందా, పాట ముందా,  ఏది ముందు వచ్చింది ? (కోయంబత్తుర్ లో విష్ణుపురం అవార్డు సభకి అతిథి గా వెళ్ళి నప్పుడు వేరే వాళ్ళు తమ ప్రసంగం లో ప్రస్తావించిన మాటలకి తరవాత స్పందిస్తూ)

మొట్టమొదట వచ్చింది  - సంగీతం.
ఆ తరవాత వచ్చిందీ - సంగీతమే.
దాని తరవాత వచ్చిందే - సంగీతం !
ఏది సంగీతం కాదు ? మాట సంగీతం  కాదా ?
(మళ్ళీ గొంతు మార్చి వేరే లయలో ) -  మాట సంగీతం కాదా ?
ఈ మాట ఇలా అంటున్నప్పుదే సంగీతం అవడం లేదా ?  దీనిలో సంగీతం లేదా ?
(మళ్ళీ గొంతుక ని మంద్ర స్థాయి లోకి మార్చి )  ఇది సంగీతం  కాదూ ?
****
పైవన్నీ తమిళం లో జరిగిన సంభాషణలు.