దూర దర్శనం

2/20/04
'నెగటివ్ స్ట్రీక్' అనే దాన్ని ఎదుర్కొని దాంతోనే జీవిస్తూ ఉండు. కరిగిపోతుందో, విరిగిపోతుందో లేక నిన్ను విరుస్తుందో, పెరుగుతుందో ఏమౌతుందో నిశ్చయంగా తెలీదు. అసలు ఎవరికీ గూడా తెలియబోదు అన్న విషయం అర్ధం గావడం కష్టమే. ఏదో జరుగుతుందనే, జరగాలనే ఏ అప్రోచ్ తీసుకున్నా. ఈ మనసు కి అనేక విషయాల తో ఉన్న సంబంధాన్ని ఏ ఆశింపులూ లేకుండా 'చూడటమనే ప్రయోగం' చేయడం దాదాపు అసాధ్యంగా కన్పడుతోంది. అదే దాని సౌందర్యం కూడా బహుశా.

// ఏంచేస్తున్నారని అడిగిన స్నేహితుడితో "టీవీ చూస్తున్నా" అని చెప్పి "అంటే పెట్టుకొని ఏదో కార్యక్రమం చూడ్డం కాదు - ఆపేసిన టీవీ పెట్టె ముందు కూర్చుని దాని నిగారింపునీ, నునుపుదనాన్నీ, తయారు చేసిన జపానీయ నైపుణ్యాన్నీ, స్క్రీన్ మీద కనపడే గదిలోని వస్తువుల ప్రతిబింబాన్నీ, ప్రతిబింబం గుర్తు చేసే మిధ్యా వాదాన్నీ, దానికి "లిమిట్" వేస్తున్న టీవీ అంచుల్నీ - వీటన్నింటినీ చూస్తున్నాను " అని చెప్పి విరగబడి నవ్వడం.