తప్పు

10/23/01
ఏదైనా తప్పు కనబడితే చాలు. ఒక్కసారిగా అధికారం చూపించుకోడానికి లంఘిస్తుంది దానిమీదకి మనసు. పళ్ళు పటపటకొరుకుతూ, తిట్టుకుంటూ, తెలిసిన తనాన్ని నిరూపించుకోవడానికి తహతహలాడుతుంది. పైకి మెత్తగా, మృదువు గా, మంచి గా, సున్నితంగా కనిపించే ఈ నేను ఒక్కసారిగా కొయ్యబడ్డ భావన. ఈ కోపానికి అసలు కారణం తప్పు చెయ్యడమో జరగడమో కాదు. ఎదుటివాళ్ళని కొట్టడానికి అవకాశం కోసం సిద్ధంగా పొంచి ఉన్న మనసుయొక్క ఫాకల్టీ అని స్పష్టం గానే అర్ధమవుతూ ఉంది. అర్ధం అయినంత మాత్రాన ఒరిగేదేమన్నా ఉందా ?
బోను లో తిరుగుతున్న పులి కళ్ళు గుర్తొస్తున్నాయి. దాని మొహం లో ఎప్పుడూ ఫిక్స్ అయిన ఫీలింగ్ ఆఫ్ అగ్రెషన్ యొక్క అంశ తనలో తెలుస్తూంది.
**
తప్పొప్పుల దృష్టి లేకుండా కోపాన్ని గమనించుకోమంటున్నాయి బుద్ధ జీవాలు. సాధ్యమేనా ?

ఎవరు

10/13/01
ఎన్నిసార్లు అన్పించింది ముందు జీవితంలో ఎవరు వీడు అని. అసలు కొద్ది సార్లైనా అలా అన్పించడమే ఆశ్చర్యమేమో. ఎప్పుడైనా వాడు బాగా తగ్గిపోయినప్పుడు, చుట్టూ ఉన్న ప్రపంచం
లోని శక్తుల పట్ల ఆకర్షితమయ్యే రిసెప్టర్స్ ఒక్కసారిగా మెదడులో చొరబడి ఎలా మళ్ళీ నేను ను ఉత్తేజితం చేసాయో...
**
చేసే పని ఎందుకు చేస్తున్నాడో తెలీదు. నిజమయిన అవసరాలు లేకుండా సైకలాజికల్ నీడ్ కోసం సంపాయించేవాళ్ళే అందరూ.. అలా చెయ్యక పోతే కనీస భౌతిక అవసరాలకి కూడా ఉండదన్న భయం.. అందరూ అలా భయపడుతూంటే అది కొంతకాలానికి నిజం కాక చస్తుందా ?
****
సెర్మన్ ఆన్ ద మౌంట్ లో బుద్ధచాయలు స్పష్టం గానే కన్పడుతున్నా, వాటిని ఎక్కువ చేసో తక్కువ చేసో అర్ధం చేసుకోలేము ఆయనని.. అసలు అర్ధం చేసుకోవాల్సింది మనల్నే..